Qyzmet barysynda qaza tapqan polıtseı áıelge «Erligi úshin» medali berildi

KÓKShETAÝ. QazAqparat - Qyzmettik mindettin atqarý kezinde qaza tapqan elimizdegi jalǵyz polıtseı áıel Botagóz Bıjanova «Erligi úshin» medalimen marapattaldy. Bul týraly oblystyq PD baspasóz qyzmetine silteme jasap habarlaıdy.

Medaldi aımaq basshysy Ermek Marjyqpaev Kókshetaýda Táýelsizdik kúnine arnalǵan saltanatty sharada Botagóz Bıjanovanyń qyzy Dınara Mákenovaǵa tabys etti.

«Sharaǵa Botagózdiń qyzy Dınaramen birge ápkesi Sáýle Maǵazqyzy da Almatydan arnaıy kelipti. Búkil otbasy atynan Dınara sóz alyp, marqum anasyna osyndaı qurmet kórsetip otyrǵan Aqmola oblysy ákimdigine, oblystyq PD basshylyǵyna jáne Іshki ister mınıstrligine shynaıy alǵysyn bildirdi», - deıdi vedomstvonyń baspasóz qyzmetindegiler.

Aıta ketesek, Botagóz Maǵazqyzy 1961 jyly shildeniń 18 kúni Tselınograd oblysynyń Esil aýdanynda dúnıege kelgen. 1978 jyly Arqalyq qalasyndaǵy nómeri 4 orta mektepti, 1978-1985 jyldar arlyǵynda Qaraǵandy medıtsınalyq ıntıtýtyn «Emdeý isi» boıynsha támámdaǵan. Eńbek jolyn qalalyq polıklınıkada ýchaskelik dáriger bolyp bastaǵan. Keıin Іshki ister departamentinde ártúrli laýazymda qyzmetter atqarǵan.

Ókinishke qaraı, 2001 jyly 28 maýsymda óz úıiniń kire berisinde oǵan qastandyq jasalyp, qaza tapty. Artynsha kúdiktiler ustalyp, tutqyndalady. Keıin oǵan eskertkish taqta ornatyldy