Qyzmet babyn asyra paıdalanǵan ІІD-niń Esirtki bıznesine qarsy kúres basqarmasynyń eki qyzmetkeri ustaldy
ASTANA. Aqpannyń 24-i. QazAqparat /Rýslan Ǵabbasov/ - Qyzmet babyn asyra paıdalanǵany úshin elorda ІІD-niń Esirtki bıznesine qarsy kúres basqarmasynyń eki qyzmetkeri ustalyp, úshinshisine qatysty izdeý jarııalandy.
Bul týraly búgin jýrnalıstermen bolǵan brıfıntge Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
«2009 jyly aýmaqtyq ózindik qaýipsizdik bólinisteri ishki ister organdary qyzmetkerleriniń zańǵa qarsy áreketterin anyqtaý jáne jolyn kesý boıynsha jedel-izdestirý jáne aldyn alý is-sharalaryn ótkizdi.Qańtar aıynda Astana ІІD-niń ózindik qaýipsizdik basqarmasyna qala turǵyny habarlasyp, polıtsııa qyzmetkerleriniń ony qylmystyq jaýapkershilikke tartpaý úshin aqsha bopsalaǵany týraly shaǵymdandy.Ol bas tartqannan keıin polıtsııa qyzmetkerleri onyń mashınasynyń qujattaryn ıemdenip, kelesi kúni aqsha ákelýin talap etken», dedi Q. Jumanov.
Onyń sózine qaraǵanda, jedel-izdestirý is-sharalarynyń barysynda ІІM ózindik qaýipsizdik departamentiniń qyzmetkerleri 110 myń teńge alý kezinde qylmysqa qatysy bar adamdy ustady. «Onyń mashınasyn qaraý kezinde jábirlenýshi kóliginiń kilti men qujattary tabyldy. Osydan keıin qyzmet babyn asyra paıdalanǵany úshin ІІD-niń Esirtki bıznesine qarsy kúres basqarmasynyń eki qyzmetkeri ustalyp, qamaýǵa alyndy. Úshinshisine qatysty izdeý jarııalanyp, ony ustaý boıynsha sharalar qabyldanýda», dedi Q. Jumanov.
Aǵymdaǵy jyldyń qańtar aıynda polıtsııa qyzmetkerleri jasaǵan 11 sybaılas jemqorlyq qylmystary anyqtaldy. Olardyń 8-i ishki ister organdary ózindik qaýipsizdik qyzmetiniń kúshimen ashyldy.
