Qyzmet aqysyn qate eseptegen «Qostanaı-Sý» kásipornyna 2,9 mln teńge aıyppul salyndy

QOSTANAI. QazAqparat - Qostanaı oblysy turǵyndaryna sapaly qyzmet kórsetpegen «Qostanaı-Sý» kásiporny ákimshilik jaýapkershilikke tartyldy, dep habarlaıdy QazAqparat Tabıǵı monopolııalardy retteý komıtetine silteme jasap.

Qostanaı turǵynynyń ótinishi negizinde mekemede jospardan tys tekserý júrgizilgen. Shara barysynda Tabıǵı monopolııalardy retteý komıtetiniń Qostanaı oblysy boıynsha departamenti «Qostanaı-Sý» memlekettik kommýnaldyq kásiporny is-áreketinen birqatar kemshilikter tapty.

Kásiporyn sýyq sýmen jabdyqtaý qyzmetiniń aqysyn eseptegen kezde tólemaqynyń mólsherin qate sanaǵan. ıAǵnı tutynýshynyń úıinde ystyq sýmen jabdyqtaýdyń joqtyǵyn esepke almaǵan. Al bul sýmen jabdyqtaý jáne sý burý qyzmetteri aqysy kóleminiń artýyna ákep soqty.

«Osyǵan baılanysty atalmysh tabıǵı monopolııa sýbektisine qatysty «Ákimshilik quqyq buzý týraly kodeksiniń 164-baby 4 bóligi boıynsha ákimshilik is qozǵaldy. Ákimshilik is Qostanaı qalasynyń mamandandyrylǵan ákimshilik sotynda qaralyp, «Qostanaı -Sý» uıymyna 2 969 120 teńge kóleminde aıyppul salyndy» delingen habarlamada.

Qazirgi ýaqytta sot qaýlysy zańdy kúshine enbegen, tabıǵı monopolııa sýbektisi sot qaýlysyna shaǵymdanýǵa quqyly.