Qyzmet ádebin buzǵan qazyǵurttyq polıtseıdiń ústinen qylmystyq is qozǵaldy

TÚRKІSTAN. QazAqparat - Qyzmettik etıkany saqtamaǵan qazyǵurttyq polıtseıdiń ústinen QR QK-niń 362-babymen qylmystyq is qozǵaldy. Bul týraly Túrkistan oblysy polıtsııa departamentiniń bastyǵy Murat Qabdenov málimdedi, dep habarlaıdy QazAqparat tilshisi.

«Kadr jónindegi orynbasarym bastaǵan top Qazyǵurt aýdanyna attandy. Toptyń quramynda Ózindik qaýipsizdik basqarmasynyń bastyǵy jáne arnaıy bilikti mamandar bar. Olar Qazyǵurt polıtsııasynyń jeke quramyn jınap, jınalys ótkizdi. Jınalys jáı ǵana qarapaıym talqylaý emes, arnaıy saýalnamalar júrgizilip, derekter ortaǵa salyndy», - dep jazdy ol facebook paraqshasynda.

Sondaı-aq, zańǵa qaıshy áreketter dáleldense, tıisti sharalar qabyldanatyndyǵyn jetkizdi.

«Qazirgi ýaqytta polıtseıge qatysty qylmystyq is qozǵaldy, endi ol isti baqylaıtyn, qadaǵalaıtyn tıisti organdar bar. Sondyqtan, zańǵa súıeneıik! Jalǵan aqparat taratý, arandatýshylyq pen dálelsiz sóz jazýǵa jol bermeıik!» - dep jazdy ol.

Aıta keteıik, búgin qyzmettik etıkany saqtamaǵan polıtsııanyń bólim bastyǵyna qatysty oqıǵa tekserilip jatqanyn jazǵan bolatynbyz.