Qyzǵylt gaýhartas aýktsıonda 60 mln dollarǵa jýyq somaǵa satyldy
GONKONG. QazAqparat - Tańǵajaıyp qyzǵylt gaýhar bássaýdada shamamen 60 mln dollarǵa satyldy, dep habarlaıdy QazAqparat CNN arnasyna silteme jasap.
Bul onyń kútilgen qunynan birneshe ese joǵary.
Sotheby's aýktsıon úıiniń málimetinshe, úlken tas juma kúni 453,2 mln gonkong dollary nemese shamamen 58 mln AQSh dollaryna satyldy.
Baǵaly tas áýelde shamamen 21 mln dollarǵa satylady dep kútilgen.
Sotheby's baspasóz relızine sáıkes, «Ýılıamsonnyń qyzǵylt juldyzy» ataýymen belgili 11,15 karattyq qyzǵylt gaýhar tarıhta satylymǵa usynylǵan eń taza, sırek kezdesetin suryptardyń birine jatqyzylǵan qyzǵylt gaýhar tastardyń biri.
Asyl tas Tanzanııadaǵy Ýılıamson kenishinde óńdelmegen 32 karattyq almastan kesilgen. Onyń ólshemi de, túsi de erekshe.
Foto: edition.cnn.com
