Qyzǵanyshtan áıeliniń kóligin órtep jibergen almatylyqqa qatysty sot úkimi shyqty
ALMATY. QazAqparat - Almaly aýdandyq sotynda qyzǵanyshtan áıeliniń kóligin órtep jibergen almatylyqqa qatysty sot úkimi shyqty, dep habarlaıdy QazAqparat tilshisi qalalyq sottyń baspasóz qyzmetine silteme jasaı otyryp.
2016 jyldyń 24 jeltoqsanynda aıyptalýshy Abylaı han jáne Mámetova kósheleriniń qıylysynda áıeliniń kóligin baıqap, artynan erip kelgen. Kólikten buryn ózi tanıtyn eki er adamnyń túskenin kórip, qyzǵanyshtan quny 2 mln 300 myń teńgege baǵalanǵan jeńil mashınany janarmaı quıyp órtep jibergen.
Sotta aıyptalýshy kinásin moıyndap, qylmysyna ókinetinin aıtty. Sot zalynda áıeli kúıeýi tarapynan keltirilgen shyǵyn tolyǵymen ótelgenin jetkizip, ony bas bostandyǵyn aıyrmaýdy ótindi.
Sot Úkimimen aıyptalýshy QR QK 202-babynyń 2-bóligi 1,5 tarmaqtary boıynsha (qasaqana kólikti órtep, shyǵyn keltirý) boıynsha aıypty dep tanyldy. Alaıda, sot Qazaqstan Táýelsizdiginiń 25 jyldyǵyna arnalǵan amnıstııany paıdalana otyryp, sottalýshyǵa 3 jyl bas bostandyǵyn shekteý jazasyn taǵaıyndady.
