Qyzǵanyshtan áıelin pyshaqtap óltirgen kókshetaýlyq 9 jylǵa sottaldy

KÓKShETAÝ. QazAqparat – Qyzǵanyshtan áıelin pyshaqtap óltirgen Kókshetaý qalasynyń 52 jastaǵy turǵyny 9 jylǵa bas bostandyǵynan aıyryldy, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, qandy qylmys 2022 jyldyń aqpan aıynda Kókshetaý qalasynda bolǵan. Alkogolge masań kúıde bolǵan er adam belgisiz bireýmen telefon arqyly sóıleskeni úshin áıeline qyzǵanyshtan pyshaq salǵan. Іsh qýysyna alǵan jaraqattan áıel oqıǵa ornynda kóz jumdy. Olardyń kámelet jasqa tolmaǵan balalary qaldy.

«Er adam qylmysyn moıyndap, jasaǵan isine ókindi. Sonymen qatar, kúdiktiniń kinási sot saraptamasy arqyly dáleldendi. Sot ony Qylmystyq kodekstiń 99-babynyń 1-bóligi boıynsha kináli dep tanyp, qatań rejımdegi kolonııaǵa toǵyz jylǵa bas bostandyǵynan aıyrý jazasyna kesti. Sonymen birge sottalýshy zardap shekken tarapqa 5 mıllıon teńge kóleminde moraldyq zııan ótemaqysyn tóleýge mindetteldi», - dedi vedomstvodan.