Qyzdyń betinen urǵan: Almatyda polıtsııa kúdiktini ustady
ALMATY. QazAqparat - Almatyda polıtsııa qyzdyń betinen urdy degen kúdikke ilingen er adamdy ustady, dep habarlaıdy QazAqparat tilshisi.
Áleýmettik jelide er adam qyzdy urdy dep aıyptalǵan vıdeo tarap jatyr.
«Búgin Tóle bı kóshesi №160 mekenjaıynda myna jigit 25 jastaǵy bir qyzdy urdy, qyz qozǵala almaı qaldy», - delingen habarlamada.
Almaty qalalyq polıtsııa departamenti 1985 jyly týǵan kúdikti ustalyp, odan ári tergeý úshin Almaly aýdandyq polıtsııa basqarmasyna jetkizilgenin málimdedi.
«Onyń áreketine Qazaqstan Respýblıkasynyń zańnamasyna sáıkes quqyqtyq baǵa beriledi. Bul rette qyzdyń alǵan jaraqatynyń aýyr-jeńildigin anyqtaý úshin sot-medıtsınalyq saraptama taǵaıyndalady», - dep habarlady vedomstvodan.
