Qyzdardyń senimine kirip, olardyń atyna nesıe rásimdep kelgen alaıaq izdestirilýde
PAVLODAR. QazAqparat - Ekibastuz qalasynyń polıtsııasy alaıaqtyq áreketterge baryp, urlyq jasaǵan 25 jastaǵy kúdiktini izdestirip jatyr, dep habarlaıdy «QazAqparat» HAA tilshisi.
«Ekibastuz ishki ister basqarmasyna birneshe boıjetkennen shaǵym tústi. Qyzdardyń aıtýynsha, olardyń barlyǵyn bir jigit aldaǵan. Aldymen adamnyń senimine kirip, keıin qyzdardyń atyna nesıe rásimdep qana qoımaı boıjetkenderdiń qundy zattarymen uıaly telefondaryn urlap ketken»,-dep habarlady oblystyq ІІD.
Alıaqtyń áreketi ádettegideı. Aldymen áleýmettik jeliler arqyly tanysyp qyzdardyń júregin jaýlaıdy. Keıin oǵan «maǵan turmysqa shyq» degen syńaıdaǵy usynys jasaǵan. Ýaqyt óte kele anasynyń jaǵdaıy nasharlap jatqanyn aıtyp, toıǵa qarjy qajet dep nesıe rásimdetip alady. Qolyna aqsha tıgen soń alaıaq birden iz sýytqan.
