Qyzdardan quralǵan «Mánshúk marshy» Qyzylorda kóshelerimen júrip ótti
QYZYLORDA. QazAqparat - 20 qazan kúni Qyzylordada «Jastyq jalynym - Máńgilik elime!» atty mıtıngisi men «Mánshúk marshy» ótti. Bul týraly QazAqparat tilshisi habarlady.
Іs-shara ómiri - ónege, erligi - dastan Mánshúk Mámetovanyń týylǵanyna - 95 jyl jáne Qyzylordadaǵy M.Mámetova atyndaǵy gýmanıtarlyq kolledjdiń qurylǵanyna 85 jyl tolýyna arnalǵan.
Mıtıng «Mánshúk marshyna» qatysýshylardyń, Aýǵan soǵysynyń jáne kolledj ardagerleriniń, ustazdar men stýdentterdiń kolledj aýlasynda saltanatty sap túzeýimen bastaldy. Marsh komandıri, maıor Neıla Iskakova sap daıyndyǵy jóninde Qyzylorda oblysy ákiminiń orynbasary Rýslan Rústemovke raport berdi. Keıin QR Memlekettik Týy kóterilip, Gımn oryndaldy. Sharaǵa qatysýshylar Mánshúk rýhyn bir mınýt únsizdikpen eske alyp, eskertkishine gúl tizbeleri qoıyldy.
Osydan keıin tek qana qyzdardan quralǵan «Mánshúk marshy» M.Mámetova eskertkishinen start alyp, belgilengen baǵyt boıynsha «Katıýsha», «Atameken», «Sarbazdarym» ánderin shyrqaı otyryp, "Taǵzym" alańyna deıin júrip ótti.
Máńgilik alaýǵa Qyzylorda oblysy ákimdigi, M.Mámetova atyndaǵy gýmanıtarlyq kolledji jáne Mánshúk marshyna qatysýshylar atynan taǵzym gúlderi qoıyldy. QR Ulttyq Ulany Ońtústik óńirlik qolbasshylyǵynyń №55-47 áskerı bólimi,shekara qyzmeti № 20-19 áskerı bólimi, Qazaqstan Respýblıkasy Qarýly Kúshteriniń № 66-597 áskerı bólimi, Qyzylorda oblysynyń Qorǵanys isteri jónindegi departamenti jáne qalalyq Qorǵanys isteri jónindegi basqarmanyń áskerı qyzdar qyzmetshileri sherýdi áskerı marshpen bastady. Sherý sońynda Aýǵan soǵysynyń ardageri Haırıddın Baımahanov oblystyq bilim basqarmasy basshysynyń orynbasary Erlan Qarabalaev birge marshqa qatysýshylardy marapattady.
Kolledj jastary fleshmob ótkizip, sap túzeý arqyly «Mánshúk 95» jazýyn qurady.
