Qyzdar ýnıversıtetinde stýdentterge qyzmet kórsetý ortalyǵy ashyldy
ASTANA. QazAqparat - Qazaq memlekettik qyzdar pedagogıkalyq ýnıversıtetinde tuńǵysh ret Stýdentterge qyzmet kórsetý ortalyǵy (SQKO) ashyldy. Bul týraly atalǵan bilim ordasynyń baspasóz qyzmetinen habarlady.
Qyzdar ýnıversıtetinde stýdentterge qyzmet kórsetý ortalyǵy ashyldy
ASTANA. QazAqparat Qazaq memlekettik qyzdar pedagogıkalyq ýnıversıtetinde tuńǵysh ret Stýdentterge qyzmet kórsetý ortalyǵy (SQKO) ashyldy. Bul týraly atalǵan bilim ordasynyń baspasóz qyzmetinen habarlady.
Ortalyqtyń basty maqsaty - bir tereze prıntsıpi boıynsha stýdentterge jalpy sany 40-tan astam qyzmet túrinen sapaly jáne jedel qyzmet kórsetý. Stýdentterge, magıstranttarǵa, doktoranttarǵa, talapkerlerge jáne olardyń ata-analaryna qujattar qabyldaý, oqýǵa túsý, oqýdan shyǵý, aýysý, bilim alýdaǵy ózgerister t.b. qajetti máseleleri boıynsha qyzmet kórsetiledi. Ortalyqta stýdentterdiń jeke is qujattary saqtalyp, bilim alýshylardyń stýdenttik bıletteri, synaq kitapshalary, akademııalyq anyqtamalary, transkrıptteri, oqý bitirýi týraly dıplomdary men dıplom qosymshalary, arhıv anyqtamalary beriletin bolady. Sonymen qatar, Stýdentterge qyzmet kórsetý ortalyǵynyń qyzmeti stýdentterdiń jeke oqý josparlarynyń qurylýyna, emtıhan sessııasynyń ótýine, kýrstan-kýrsqa kóshýine, ýnıversıtet ishinde jáne ýnıversıtet aralyq aýysýyna, qaıta qabyldanýyna, akademııalyq demalysqa shyǵýy men oralýyna, tegin aýystyrýy sııaqty jumystarǵa baǵyttalǵan. Bul ortalyq stýdentterdiń negizgi kontıngentin, stýdentterdiń bilim sapasy men úlgerimin anyqtaýmen de aınalysatyn bolady.
«Almaty qalasy joǵary oqý oryndary ishinde tyń jańalyq retinde ashylǵan ortalyq JOO-nyń servıstik qyzmet kórsetýin ońtaılandyrý úshin jasalyp otyr. Bul ásirese ýnıversıtet stýdentterine qajetti aqparatty bir jerden alýǵa múmkindik beredi. Stýdentter úshin bir mezette birneshe tereze qyzmet kórsetetin bolady. Biryńǵaı ortalyqtandyrylǵan qyzmet kórsetý ortalyǵy Tirkeýshi-keńse jáne Stýdenttik bólimderinen turady. Ortalyq aldaǵy ýaqytta elektrondyq qyzmet kórsetý júıesi boıynsha jumys isteıtin bolady», - deıdi ortalyqtyń tirkeýshi-keńse bóliminiń basshysy Darıǵa Jaryqbaeva.
Onyń aıtýynsha, bir stýdentke qyzmet kórsetýdiń ýaqyty 15 mınýt bolmaq. Osy ýaqyt ishinde qyzmetker qajetti qujattardy, ótinishti qabyldap, basqa bólimderge kelisimge jiberedi. Ótinish 3 jumys kúni ishinde qarastyrylady.
Aıtýly sharaǵa ýnıversıtet rektory D.Nóketaeva, oqý orynnyń oqytýshy-professorlar quramy men stýdentteri qatysty. Saltanatty jıynda barsha qaýymdy jańa oqý jylymen quttyqtap, alǵash ret ashylyp otyrǵan ortalyqtyń tusaýyn kesken oqý oryn basshysy D.Nóketaeva ýnıversıtettiń ómiri men oqý úderisindegi jetistikter men tyń jańalyqtardy atap óte kele: «Bul ortalyqtyń ashylýy el Táýelsizdiginiń 25 jyldyǵy men Almaty qalasynyń 1000 jyldyǵyna arnalyp ashylyp otyr», - dedi.
Shara aıtýly merekege arnalǵan kontserttik sharamen jalǵasty. Oǵan kıeli shańyraqtyń maqtanyshyna aınalǵan halyqaralyq jáne respýblıkalyq konkýrstardyń laýreaty «Tomırıs» bı ansambli, «Ular» folklorlyq-etnografııalyq ansambli, elimizge bilgili ánshiler Merýert Túsipbaeva, Sandýǵash Stamǵazıeva, Gúlshat Takejanova, sondaı-aq, oqý orynnyń ónerpaz jastary qatysyp jyrdan shashý shashty. 
