Qyzdar ýnıversıteti 9 ga jer ýchaskesin zańsyz ıelikten shyǵarǵan
«Mınıstrlik 2020 jylǵy jeltoqsanda Qazaq ulttyq qyzdar pedagogıkalyq ýnıversıtetinde ishki aýdıt júrgizý barysynda Almaty qalasynyń janyndaǵy Kemertoǵan kentinde ornalasqan, JOO-ǵa tıesili alańy 9 ga jer ýchaskesin zańsyz ıelikten shyǵarý faktisin anyqtady. Bul rette joǵary oqý oryndary jer telimderine qatysty sheshimderdi Bilim jáne ǵylym mınıstrliginiń kelisiminsiz óz betinshe qabyldaǵan», - dedi ol.
Onyń atap ótýinshe, atalǵan fakti boıynsha materıaldar quqyq qorǵaý organdaryna tapsyryldy.
«Sondaı-aq, 2020 jyly «Q.I.Sátbaev atyndaǵy Qazaq ulttyq tehnıkalyq zertteý ýnıversıteti» KeAQ pen «Semeı qalasynyń Shákárim atyndaǵy ýnıversıteti» KeAQ-ta da tekserý júrgizildi. Tekserý nátıjesi boıynsha jyljymaıtyn múlik obektilerin zańsyz ıelikten shyǵarý faktileri anyqtalǵan joq», - dedi Ashat Aımaǵambetov.
