Qyzdar pedagogıkalyq ýnıversıteti Nazarbaev Zııatkerlik mektepteri úshin kadrlardy daıarlaıtyn bolady
ALMATY. 22 mamyr. QazAqparat - Qazaq memlekettik qyzdar pedagogıkalyq ýnıversıteti men Nazarbaev Zııatkerlik mektebi ózara yntymaqtastyq jónindegi memorandýmǵa qol qoıdy.
Qazaqstannyń bilim berý salasyn damytýǵa yqpal etý baǵytynda jasalǵan bul kelisim teń quqyly jáne eki jaqty tıimdi baǵyttaǵy tyǵyz yntymaqtastyqty, dostyq qarym-qatynasty ornatýǵa yqpal etpek. Qujatqa Qazaq memlekettik qyzdar pedagogıkalyq ýnıversıtetiniń rektory Dınar Nóketaeva men «Nazarbaev Zııatkerlik mektepteri» derbes bilim berý uıymynyń basqarýshy dırektory Nuráli Manapov qol qoıdy.
«Jýyrda ýnıversıtetimiz qosdıplomdy bilim berý baǵdarlamasy boıynsha London menedjmenti jáne ǵylymdar akademııasymen kelisimshart jasady. Aldaǵy ýaqytta akademııalyq utqyrlyq baǵytyndaǵy mundaı sharalardy kóbeıtetin bolamyz», - deıdi Dınar Nóketaeva.
Dınar Júsipáliqyzynyń aıtýynsha, memorandýmnyń basty maqsaty - Zııatkerlik mektebi úshin pedagogıkalyq kadrlardy daıarlaý jáne qaıta daıarlaý, olardyń kásibı biliktilikterin arttyrýda yntymaqtastyqqa qol jetkizý. Bul kelisim aıasynda sonymen qatar, birikken jobalar men baǵdarlamalar iske asyrylatyn bolady.
