Qyzdar arasyndaǵy chempıondar lıgasy: BIIK-Qazyǵurt «Bavarııamen» oınaıdy
NUR-SULTAN. QazAqparat - Áıelder arasyndaǵy UEFA Chempıondar lıgasy 1/8 fınalynyń jerebesi tartyldy. Týrnırdiń atalǵan satysynda qazaqstandyq «BIIK-Qazyǵurt» komandasyna Germanııanyń «Bavarııasy» qarsylas atandy, dep habarlaıdy QazAqparat tilshisi.
Alǵashqy oıyndar 3, 4 jáne 10, 11 naýryz kúnderine belgilengen. Al shırek fınal 23, 24, 31 naýryzda jáne 1 sáýirde bolady.
Al komandalar 24, 25 sáýir jáne 1, 2 mamyrda jartylaı fınalda kezdesse, fınal 16 mamyrda Shvetsııanyń Geteborg qalasyndaǵy «Gamla Ýllevı» stadıonynda ótkiziledi.
Esterińizge sala ketelik, 1/16 fınalda qazaqstandyq klýb Ýkraınanyń «Jılstroı-2» komandasyn eki oıynnyń nátıjesimen (1:0, 1:2) orta jolda qaldyrdy.
Al nemis fýtbolshylary Nıderlandynyń «Aıaksyn» eki oıynda jalpy esepte 6:1 esebimen súrindirdi.
Aıta keteıik, «BIIK-Qazyǵurt» budan buryn atalǵan týrnırdiń 1/8 fınalynda synǵa tústi.
2016/17 jylǵy kezeńde - Frantsııanyń Parı Sen-Jermen, 2019/20 jylǵy kezeńde bıylǵy qarsylasy - «Bavarııaǵa» jol berip qoıdy.
