Qyzdar arasyndaǵy bokstan Azııa chempıonatynda Qazaqstan boksshylary 3 altyn alady dep boljanýda
ASTANA. Mamyrdyń 24-i. QazAqparat /Jasulan Amanbaıuly/ - Búgin, mamyrdyń 24-i kúni Astanada bastalatyn qyzdar arasyndaǵy bokstan Azııa chempıonatynda Qazaqstan boksshylary 3 altyn alýǵa dámeli. Bul týraly búgin baspasóz máslıhatynda Astana qalalyq Boks federatsııasynyń vıtse-prezıdenti Berik Marjyqbaev málim etti,
dep habarlaıdy QazAqparat.
Onyń atap kórsetkenindeı, álemniń 16 elinen kelgen 86 boksshynyń arasynda Qazaqstan birinshiliginde birneshe dúrkin chempıon atanyp júrgen Nazgúl Boranbaeva, Darıǵa Shakımova, Marına Volnova syndy qazaq sportshy qyzdarynyń joǵary júldelerden dámesi bar.
«Olardyń basty qarsylastary Úndistan, Qytaı, Soltústik Koreıa elderiniń boksshylary bolyp tabylady. Ázirshe jerebe otandastyrymyzdyń baǵyna oraı, biz úshin ońtaıly túsken», deıdi ol.
Jalpy atalmysh birinshilikte 4-5 qazaq qyzy aqtyq synǵa shyǵady dep boljanýda.
Aıta keteıik, búgin, Astanada qyzdar arasynda bokstan Azııa birinshiligi bastalady. Týrnır básekeleri 11 salmaq dárejesinde ASBC erejesine sáıkes jáne Azııa boks konfederatsııasynyń tehnıkalyq resmı ókilderiniń baqylaýymen ótedi. Qazaqstan bul chempıonatqa barlyq 11 salmaq dárejesi boıynsha qatysýǵa ótinish bildirdi.
