Qyzaıbaı men Tsoloeva Astanadaǵy bokstan álem chempıonatynyń shırek fınalyna shyqty
ASTANA. QazAqparat - Besinshi jarys kúniniń qorytyndysy boıynsha áıelder arasyndaǵy bokstan álem chempıonatynyń shırek fınalyna eki qazaqstandyq sportshy shyqty.
48 kg deıingi salmaq dárejesinde óner kórsetken Qazaqstandaǵy qyzdar arasynan shyqqan birinshi álem chempıony Nazym Qyzaıbaı shvetsııalyq Lız Sanderberden basym túsip, 3:0 esebimen jeńdi.
64 kg deıingi salmaq dárejesine óner kórsetken Zarına Tsoloeva Italııa ókili Valentına Albertıdi 3:0 esebimen jeńdi.
Sondaı-aq búgin keshke 51 kg deıingi salmaq dárejesinde qazaqstandyq Jaına Shekerbekova sharshy alańǵa shyǵady.
Eske sala keteıik, álemdik birinshilik «Barys-Arena» muz saraıynda ótip jatyr. Baıraqty básekege 67 elden 285 sportshy keldi.
Atap óteıik, týrnırde Rıo-de-Janeırodaǵy Olımpıada oıyndaryna 12 joldama oınatylady.
