Qyzanaq jáne qııarmen ishki naryqty qamtamasyz etý úshin jylyjaı kólemin keminde 9 myń gektarǵa jetkizý kerek
ALMATY. 28 mamyr. QazAqparat - Qazaqstanda qazir qyzanaq pen qııardyń ónerkásiptik óndirisiniń úlesi 3 paıyzdy quraıdy.
Jylyjaı tehnologııalary qaýymdastyǵynyń vıtse-prezıdenti Qaırat Dosjanov búgin Almatyda ótken baspasóz máslıhatynda osylaı málim etti.
«Elimizdegi qyzanaq pen qııar ımporty 80 paıyz. Bul resmı statıstıka boıynsha 64 paıyz. Ol Qytaı men Ortalyq Azııa elderinen ákelinedi. Sońǵy jyldary memleket bul salaǵa qomaqty qarjy jumsap jatqanyna qaramastan elde onyń ónerkásiptik óndirisiniń úlesi 3 paıyzdan aspaıdy. Ónerkásiptik jylyjaı kólemi 128 gektar. Onyń 58 gektary ǵana qazirgi zamanǵy ozyq tehnologııamen jaraqtanǵan», - deıdi Q.Dosjanov. Onyń aıtýynsha, bul olqylyqty deldaldar óz paıdasyna ońtaıly jaratyp, shekaradaǵy baǵany 30 paıyzǵa deıin ulǵaıtýda. Onyń ózindik quny 80-85 paıyzdy quraıdy. Qazaqstan turǵyndarynyń suranysyn qanaǵattandyrý úshin qazirgi zamanǵy óndiristik 9 myń gektar jylyjaı kerek.
