«Qyz Jibek» qoıylymy parıjdik kórermenderdi tań qaldyrdy
«Rýhanı jańǵyrý» baǵdarlamasy aıasynda eýropanyń bes elinde ótetin týr Parıjden bastaý aldy.
Eýropadaǵy bul sheteldik týr - "Astana Musical" jas teatrynyń tarıhyndaǵy jańa beles. Qazaqstan quramasynyń ekskýrsııalary Eýropanyń Berlın (Germanııa), Parıj (Frantsııa), Vena (Avstrııa), Brıýssel (Belgııa), Máskeý (Reseı) qalalarynda ótedi.
«QR Mádenıet jáne sport mınıstrligi júzege asyryp otyrǵan «Jahandyq álemdegi zamanaýı qazaqstandyq mádenıet» jobasy qazaqstandyq shyǵarmashylyq jobalar men qazaqstandyq ujymdardyń jańa ıdeıalaryna tyń serpin beredi dep oılaımyn. Bul óz múmkindikterimizdi joǵary deńgeıge kóterý jáne álemge ulttyq mádenıettiń jetistikterin kórsetý úshin tamasha múmkindik», - deıdi "Astana Musical" teatrynyń kórkemdik jetekshisi Ashat Maemırov.
Jas qazaq teatry Parıj turǵyndaryna etno-folklorlyq mıýzıkl "Qyz Jibek" qoıylymyn syılady. Kórermenderdiń aıtýynsha, qoıylymnyń ulttyq názik hosh ıisi birden seziledi, qazaq mádenıetin aıryqsha erekshelikterimen aıshyqtaıdy.
«QyzJibek» - qazaq folklorynyń injý-marjany, álemdik ádebıettiń kez kelgen jumysynan kem emes keremet týyndy. Súıispenshiliktiń ánurany bolyp tabylatyn týyndy - halyqtyń poezııalyq murasynyń barlyq saltanatty ulylyǵyn sińirgen.
Ańyzdyń negizgi keıipkerleri - Jibek pen Tólegen álemge áıgili Romeo men Djýletta sııaqty uly jáne jarqyn mahabbattyń sımvoly. Olardyń soǵysýshy ákelerin alıanspen tatýlastyrý nıeti soǵys álemine ózderiniń názik sezimin usynady. Tarıhı oqıǵa jaýynger Tólegen men has sulý Jibek arasynda órbıdi. Bekejannyń soqyr qyzǵanyshynyń aıasyndaǵy kelispeýshilikter qaıǵyly jaǵdaıǵa aınalady. Tólegen óz qarsylasynyń qolynan qaza tapty, al Jibektiń ózi jaqyn adamynsyz ómir súre almaıdy. Jibektiń beınesi halyqtyń júreginde saqtalǵan sulýlyq, mahabbat pen adaldyqtyń jarqyn beınesi. «Qyz Jibek» ańyzy zamanaýı qazaq qoǵamynyń ortaq murasy bolyp tabylatyn ǵasyrlyq rýhanı jáne adamgershilik qundylyqtardy beıneleıdi.
Spektakldi tamashalaýdan keıin kórermender qazaq halqynyń poetıkalyq murasyn óziniń alýan túrliligimen jáne sulýlyǵymen taýyp alǵandyǵyn atap ótti. Tanymal qazaq áýenderi men ánderiniń mýzykalyq dáıektemelerinen basqa, kórermender halyqtyń baı mádenıetin - bata berý, joqtaý, aıtys syndy dástúrlerin kórdi.
«Til kedergilerine qaramastan, maǵan óte qatty unady. Men eshqashan mundaı atmosferada bolyp kórmeppin. Mádenıetterińiz ǵana emes, tarıhtaryńyzdy da sezine aldym. Spektakl ǵajap. Bári de óte sheber jáne tereń oılastyrylǵan. Dramatýrgııa da, kıimder de unady», - deıdi frantsııalyq teatrtanýshy, rejısser Davıd Chavlıs Assatıanı.
«Asqan sezimtal ulttyq kolorıt nazardy baýrap alady. Keremet qoıylym. Ártister men bıshilerdiń oryndaýy sonshalyqty ǵajap, aınalany túgel baýrap, kóńil túkpirine sheıin jaýlap aldy», - dep pikirimen bólisedi teatr synshysy, ónertaný doktory Marı-Krıstın Sırıjol.
Búgin, 4 jeltoqsanda qazaq trýppasy Kannda «Astana sazy» folklorlyq ansambliniń súıemeldeýimen taǵy da «Qyz Jibek» mıýzıklin tanystyrady.
Eske salaıyq, «Astana Musical» teatry 2016 jyldyń maýsym aıynda Astana qalasynda Qazaqstan Respýblıkasy Mádenıet jáne sport mınıstrliginiń «Qazaqkontsert» memlekettik kontserttik uıymynyń negizinde ashyldy.
