Qyz benzındi lıtrlep simiredi
ASTANA. 14 naýryz. QazAqparat - Amerıkalyq qyz janarmaı ishpese, ómir súre almaıdy, dep habarlaıdy The Daily Mail. Shennon esimdi bul qyz densaýlyǵyna qanshalyqty zııan ekenin bilse de, kún saıyn janarmaı iship turmasa «basy aýyratyndyǵyn» aıtady.
Onyń aıtýynsha, kúnine 12 shaı qasyq janarmaı ishedi eken. «Jutqan kezde benzın aldymen azdap ashytady, sosyn ózegimdi órteı bastaıdy, - deıdi ol. - Qansha aýyrsynsam da, ózimdi sonyń arqasynda ǵana jaqsy sezinemin».
Jýrnalıster eseptese, Shennon tek ótken jyly ǵana 23 lıtr benzın ishken eken. Dárigerler bunyń densaýlyqqa zııan ekenin aıtyp, dabyl qaǵýda. «Janarmaıdy ishý asqazandy kúıdirip, ishti ótkizip, dıareıa, delsaldyqqa dýshar etedi, tipti ólimge alyp keledi», - deıdi olar.
Jeýge nemese ishýge bolmaıtyn zattarǵa qumar tek Shennon ǵana emes. Indıana shtatynyń kishkentaı turǵyny Natalı Haıherst tastar men aǵashtardy kemirip, kirpish synyqtaryn jeýdi janyndaı jaqsy kóredi eken. Tipti ol bir kúni elektr shamyn jep qoıyp, ata-anasy jedel járdem shaqyrýǵa májbúr bolǵan kórinedi. Sodan beri Natalı óz ómirine qaýipti birdeńe jep qoımaýy úshin anasy, ákesi, aǵasy úsheýi kúni-túni kúzetedi eken.
