«Qyz ben teńiz» Bangladeshtegi baıqaýda «Úzdik azııalyq fılm» atandy
ALMATY. QazAqparat - Rejısserler Ázızjan Zaırov pen Muhammed Mamyrbekovtiń «Qyz ben teńiz» kórkem fılmi kezekti júldeni ıelendi, dep habarlaıdy QazAqparat Qazaqfılm kınostýdııasyna silteme jasap.
Bangladeshte ótken Cinemaking International Film Festival Halyqaralyq kınofestıval qorytyndysy boıynsha kınotýyndy «Úzdik azııalyq fılm» atalymy boıynsha jeńiske jetti. Uıymdastyrýshylardyń aıtýy boıynsha baıqaýǵa 50 elden 150 fılm qatysqan
Esterińizge salsaq, fılm QR Mádenıet jáne sport mınıstrliginiń tapsyrysymen «Qazaqfılm» kınostýdııasynda «Novyı mır» ARDI stýdııasynyń qatysýymen túsirilgen. Basty rólderdiń birin dılogııanyń birinshi bóligindegi rólimen tanymal Tahır Omarov, sondaı-aq Emır Baıgazınniń «Jaralanǵan perishte» trılogııasynyń ekinshi bóliminde Kamo rólin oınaǵan Qanaǵat Tasqaraev somdady. Al basty keıipkerdiń sińlisi róline kásibı teatr jáne kıno aktrısasy GúlbaHram Baıbosynova shaqyryldy.
Atalmysh áleýmettik drama prokatqa aqpan aıynda shyqty.
Jeltoqsan aıynyń basynda fılm Silk Road Film Awards – Cannes kınobaıqaýynda «Áleýmettik taqyryptaǵy úzdik fılm» júldesimen marapattaldy.
