Qyz balalarǵa pornografııalyq sıpatta vıdeo kórsetken almatylyq 10 jylǵa sottaldy
ALMATY. QazAqparat – Almatyda saýda, oıyn-saýyq ortalyǵynyń ájethanasynda balalarǵa kúsh kórsetpek bolǵan er adam 10 jylǵa sottaldy, dep habarlaıdy QazAqparat tilshisi.
Qalalyq sottyń baspasóz qyzmetiniń habarlaýynsha, bul is qylmystyq ister boıynsha aýdanaralyq mamandandyrylǵan sotynda QR QK 124 babynyń 1-bólimimen qaralǵan.
«Іs materıaldaryna sáıkes kúdikti qyz balalarǵa uıaly telefonynan pornografııalyq sıpattaǵy vıdeo kórsetken. Aldymen saýda úıiniń foıesinde kórsetken. Odan keıin qyzdardyń artynan ájethanaǵa ilesip baryp kórsetken», - dedi sottan.
Sot sheshimimen er adam 10 jylǵa bas bostandyǵynan aıryldy.
Sot úkimi zańdy kúshine engen joq.
