Qyz balaǵa pyshaq salǵan qazaqstandyq Reseıde izdestirilýde
ASTANA. QazAqparat - Reseıdiń Sankt-Peterbýrg qalasynyń ortalyǵynda qyz balaǵa pyshaq salyp ketken Qazaqstan turǵynyna izdeý jarııalandy, dep habarlaıdy Reseıdiń Tergeý komıteti.
«Qylmystyq is materıaldary boıynsha, 2018 jyldyń 8 naýryzy kúni Vosstanııa kóshesindegi №1 úıdiń janynda 21 jastaǵy er azamat kenetten bolǵan janjal barysynda óltirý maqsatymen 1999 jyly týǵan tanysynyń moıyn tusyna pyshaq uryp, artynan boı tasalaǵan. Zardap shekken qyzǵa tıisti deńgeı medıtsınalyq kómek kórsetilip jatqanymen onyń jaǵdaıy aýyr jáne ol es-tússiz jatyr. Reseı ІІM-niń Sankt-Peterbýrg qalalyq jáne Lenıngrad oblystyq bas basqarmasynyń qyzmetkerlerimen birlesip júrgizilgen sharalardyń nátıjesinde atalǵan qylmysty 1996 jyldyń 2 jeltoqsanynda týǵan Qazaqstan azamaty Mahmetov Aleksandr ıÝrevıchtiń jasaǵany anyqtaldy»,-delingen RF Tergeý komıtetiniń habarlamasynda.
Atalǵan fakti negizinde «kisi óltirýge oqtalý» baby boıynsha qylmystyq is qozǵaldy.
Qazirgi tańda er azamatqa federaldy izdeý jarııalandy ony qamaýǵa alý jóninde shara qoldaný máselesi sheshilý ústinde.
