Qyz alyp qashýǵa qatysty ister kóbine taraptardyń tatýlasýymen aıaqtalady
ASTANA. QazAqparat - Ótken jyly Qazaqstanda qalyńdyq urlyǵyna qatysty 12 qylmystyq is tirkeldi. Bul týraly QazAqparatqa QR ІІM Memlekettik til jáne aqparat departamentinen habarlandy.
Elimizdiń óńirlerinde qyz alyp qashý dástúri saqtalýda. Alaıda zań ózgergen búgingi jaǵdaıda eger qyzdy kelisiminsiz alyp qashsa, bul turǵyda tıisti jaza qarastyrylǵan.
«2016-2017 jyldary elimizde qalyńdyq urlaýǵa qatysty 12 qylmystyq is tirkelip, onyń ekeýi sotqa joldandy. Al qalǵandary taraptardyń tatýlasýy jáne qylmys quramynyń bolmaýyna baılanysty qysqartyldy», - dep atap ótilgen QR Іshki ister mınıstrliginiń málimetinde.
Budan bólek, vedomstvo ótken jyly otbasyndaǵy daý-janjaldarǵa qatysty tirkelgen derekterdi de habarlady.
«2017 jyly otbasylyq-turmystyq qarym-qatynastar salasynda QR Ákimshilik quqyqbuzýshylyq týraly kodeksiniń 73 baby boıynsha (otbasylyq-turmystyq qarym-qatynastarda zańǵa qaıshy is-áreketter) 27 myń quqyqbuzýshylyq tirkeldi», - delingen mınıstrlik jaýabynda.
