Qytaımen shekaradaǵy keptelis kóp jaǵdaıda qoldan jasalyp otyr – Máýlen Áshimbaev
«Inflıatsııa qysymyn báseńdetýdiń bir faktory – Qazaqstan-Qytaı shekarasyndaǵy logıstıka. Bizge Qytaıdan úlken kólemde taýar keledi. Shekarada neǵurlym keptelis kóp bolyp, kezek qalyptasyp, qıyndyq týyndasa, deldaldar, aqsha jınaıtyndar soǵurlym kóbeıedi, jemqorlyq soǵurlym artady. Ondaı «alymdar» eldegi tutynýshynyń qaltasyna salmaq túsiredi. ıAǵnı, shekaradaǵy ahýaldy tazartý arqyly, tosqaýyldar men deldaldardy, qandaı da bir jemqorlyq shemalardy joıa otyryp, baǵanyń áldeqaıda tómen bolýyna yqpal etemiz», - dedi ol.
Senat spıkeriniń aıtýynsha, keıingi kezde kásipkerlerden shaǵym jıi túsetin bolǵan.
«Shekarada júk kólikteri óte kóp qańtarylatyn bolǵan. Tipti Qytaıdyń ózi rejımdi lıberaldandyryp, jeńildetkenine qaramastan, problema sol kúıi qalyp otyr. Memleket basshysynyń osy baǵyttaǵy tapsyrmasyn oryndaıtyn ýaqyt keldi. Senatorlar da bul ispen belsendi aınalysýǵa daıyn. Bul jerde osyǵan (shekarada qıyndyqtar bolýyna-red.) múddeli tulǵalar, jemqorlar az emes sııaqty. Shekaradaǵy búkil protsesterdi tsıfrlandyryp, avtomattandyrý kerek. Qytaılyqtar oǵan qarsy dep oılamaımyn. Olar mundaı bastamany tolyqtaı qoldaıdy. Keden jáne ózge qurylymdar tarapynan jasandy jolmen qoıylyp otyrǵan tosqaýyldardy alyp tastaý qajet. Meniń oıymsha, Qytaımen shekaradaǵy jaǵdaı - eldegi baǵaǵa tikeleı áser etetin mańyzdy fatkorlardyń biri. Biz bul faktordy joıa alamyz dep oılaımyn. Ol faktor kóp jaǵdaıda qoldan jasalǵan. Pandemııa aıaqtalýǵa jaqyn. Qytaı óz saıasatyn ózgertti. Al shekaradaǵy kezek áli sol qalpy. Bul, árıne, úlken suraqtardy týyndatady. Úkimet bul máselemen myqtap aınalysady dep oılaımyn. Senat depýtattary da ony baqylaýda ustaıdy», - dedi Senat tóraǵasy.
