Qytaımen shekarada turyp qalǵan qazaqstandyq taýar tasymaldaýshylardyń máselesi qalaı sheshilmek
Ortalyq kommýnıkatsııalar qyzmetinde ótip jatqan baspasóz máslıhatynda tilshi «Qazaqstandyq taýar tasymaldaýshylar Qytaımen shekarada turyp qaldy. Olardy shekaradan ótkizbeı jatyr, sebebi nede jáne másele qalaı sheshilmek?» degen saýal qoıyldy.
Bul suraqqa QR Saýda jáne ıntegratsııa vıtse-mınıstri Erjan Qazanbaev jaýap berdi.
«Qytaımen shekaradaǵy jaǵdaı asa mańyzdy. Iá, biz máseleniń baryn kórip otyrmyz. Jáne ol koronavırýspen baılanysty, pandemııanyń saldarynan Qytaı shekarasyn jaýyp, taýar almasýdy toqtatyp jatyr. Taýardy shekaradan óte qatań tártippen ótkizip jatyr, osy sebepti tasymaldaýshylar shekarada turyp qalýda. Osy oraıda otandyq bızneske qoldaý kórsetip, shekaradaǵy máseleni sheshý maqsatynda biz qytaılyq seriktestermen kelisim júrgizip jatyrmyz. ıAǵnı shekara arqyly taýar tasymaly pretsesin jeńildý úshin. Іndettiń beti qaıtpaıynsha Qytaıdyń shekarasyn ashýy ekitalaı», - dedi Erjan Qazanbaev.
Onyń aıtýynsha, epıdjaǵdaı rettelse Qytaı memleketi óz shekarasyn asha bastaıdy.
Aıta ketsek, Ortalyq kommýnıkatsııalar qyzmetinde ornyqty ekonomıkalyq ósý, óńirler men bıznesti damytý jónindegi ulttyq jobalardy iske asyrý barysyna arnalǵan baspasóz máslıhaty ótip jatyr.
