Qytaımen shekarada elektrondy kezek júıesi jetildirilýde

NUR-SULTAN. QazAqparat - Qazirgi ýaqytta «Nur joly» ótkizý pýnktinde elektrondy kezek júıesin derekterdi kóshire otyryp jańa júıege aýystyrý jáne jańartý boıynsha jumys júrgizilýde. Bul týraly QazAqparat QM Memlekettik kirister komıtetine silteme jasap habarlaıdy.

2022 jylǵy 10 naýryzdan bastap qazaq-ózbek shekarasyndaǵy «B.Qonysbaev» ótkizý pýnktine uqsas «E-border» aqparattyq júıesiniń platformasynda elektrondy kezek júıesi boıynsha pılottyq joba engizildi.

Júıeni jetildirý boıynsha jumys júrgizildi, atap aıtqanda «Derekter bazasyn biryńǵaı saqtaý» (DBBS) júıesimen ıntegratsııa bar.

Jańa júıede joq ne jeńil mashınalardy tirkeý múmkindigi joq. Bul rette ol salyqtar jáne aqyly joldardy paıdalaný boıynsha bereshektiń bolýyn tekserýge múmkindik beredi.

Qazirgi ýaqytta avtokólik quraldary elektrondy kezekti túgendeý jáne avtokólik quraldary men júk tasymaldaryn júzege asyrmaıtyn kólik quraldarynyń qaıtalanylýyn joıý boıynsha jumys júrgizilýde.

Elektrondy kezekti engizý shekara arqyly kóliktiń ótý protsesiniń aıqyndyǵyn qamtamasyz etýge jáne sybaılas jemqorlyq kórinisterin joıýǵa yqpal etetin bolady.