Qytaımen shekarada 165 mlrd teńgeniń qarjylyq buzýshylyqtary anyqtaldy
Memlekettik kirister komıteti Memleket basshysynyń kedendik baqylaýdy kúsheıtý jónindegi tapsyrmasyn oryndaý sheńberinde Bas prokýratýra janyndaǵy vedomstvoaralyq toppen birge Qytaımen shekaralas ótkizý pýnktteriniń qyzmetine birlesken tekserýler júrgizdi.
«Tekserý barysynda kedendik deklaratsııalardaǵy, kóliktik, býhgalterlik jáne ózge de qujattardaǵy málimetterdi tekserý barysynda ákelinetin taýarlardyń kedendik qunyna áser etetin málimetterdiń sáıkessizdigi anyqtaldy. Qytaı tarapynan málimetter alyndy jáne basqa da tıisti tekserý jumystary jasaldy. 3 jyl ishinde 165 mlrd teńgeniń buzýshylyqtary anyqtaldy. Sondaı-aq Bas prokýratýra Komıtetke kedendik ákimshilendirýdi jetildirý jáne baqylaý sharalary bóliginde talaptar qoıdy», - delingen komıtet habarlamasynda.
