Qytaımen shekarada 11,5 mln teńgege baǵalanǵan kontrafaktilik ónim tárkilendi

ÓSKEMEN. QazAqparat – Shyǵys Qazaqstan oblysyndaǵy «Baqty» keden beketinde 11,5 mln teńgege baǵalanǵan kontrafaktilik kólik bólshekteri men noýtbýkterge arnalǵan qýattaǵyshtar tárkilendi, dep habarlaıdy QazAqparat tilshisi.

ShQO boıynsha Memlekettik kirister departamenti baspasóz qyzmetiniń málimetine súıensek, naýryz-sáýir aılarynda «Baqty» keden beketinde Qytaıdan ákelingen taýarlardy baqylaý barysynda kontrafaktilik ónimder tabyldy.

«Zııatkerlik menshik obektileriniń biryńǵaı kedendik tizilimine engizilgen taýar belgileri bar kontrafaktilik ónimdi kirgizýdiń 5 faktisiniń joly kesildi. Atap aıtqanda, bul «Hyundai», «Toyota», «Nissan» markaly kólikterdiń aýa fıltrlary jáne noýtbýkterge arnalǵan qýattaǵyshtar», - delingen aqparatta.

Belgili bolǵandaı, osynyń saldarynan taýarlardyń avtorlyq quqyq ıelerine keltirilgen jalpy shyǵyn mólsheri 11,5 mıllıon teńgeden asyp otyr.

Esterińizge sala ketsek, osyǵan deıin ShQO-da kontrabandalyq qarýdyń 65 dana optıkalyq kózdeýishi tárkilengenin habarlaǵan edik.