Qytaımen aradaǵy shekarada qosymsha ótkizý pýnktterin salý máselesi pysyqtalady
ASTANA. QazAqparat - Qytaımen aradaǵy shekarada qosymsha ótkizý pýnktterin salý máselesi pysyqtalady. Bul týraly búgin Ortalyq kommýnıkatsııalar qyzmetinde ótken brıfıngte QR Kólik jáne kommýnıkatsııa mınıstrligi Kóliktik baqylaý komıtetiniń tóraǵasy Áset Asaýbaev málim etti.
Brıfıngte komıtet basshysy eldiń tranzıttik áleýetin arttyrýǵa baǵyttalǵan birqatar iri jobalarǵa toqtaldy.
«Qazaqstan Respýblıkasynda ekonomıkalyq ósimniń turaqtylyǵyn qamtamasyz etý maqsatynda úkimettiń 2014 jylǵa arnalǵan áleýmettik-ekonomıkalyq saıasattyń birinshi kezektegi sharalary, ıaǵnı jol kartasy bekitildi. Onyń sheńberinde Kólik jáne kommýnıkatsııa mınıstrligi kóliktik jáne logıstıkalyq ınfraqurylymdy odan ári damytyp, ártaraptandyrýǵa aýqymdy is-sharalar qarastyrylǵan. Sonymen qatar mınıstrlik 2014-2016 jyldarǵa arnalǵan kólik jáne kommýnıkatsııa salasyndaǵy tranzıt kólemin ulǵaıtýǵa ınvestıtsııa jáne jańa tehnologııalar tartýǵa baǵyttalǵan arnaıy is-sharalardy bekitti» - deıdi ol.
Á. Asaýbaevtyń sózine qaraǵanda, qysqasha toqtalatyn bolsaq, qazaqstandyq taýarlardyń eksportyn ártaraptandyrý jáne eldiń tranzıttik áleýetin nyǵaıtý maqsatynda ońtústik, shyǵys, batys baǵyttarynda jańa kóliktik jáne logıstıkalyq marshrýttar pysyqtalatyn bolady.
«Mınıstrlik 2014 jylǵy 1 shildege deıin Aqtaý teńiz portynyń qýatyn keńeıtý úshin 3 qurǵaq júk termınaldarynyń qurylysyn qamtamasyz etedi. 2014 jyly 1 shildede «Qazaqstan Temir Joly» AQ-nyń menshikti qarajaty esebinen jáne de respýblıkalyq qarajat esebinen «Qorǵas-Shyǵys qaqpasy» arnaıy ekonomıkalyq aımaǵynda qurǵaq porttyń qurylysy bastalady. Sonymen qatar 2014 jylǵy 1 jeltoqsanǵa deıin "Jezqazǵan-Beıneý»" temir joly boıynsha qozǵalys ashylýy josparlanyp otyr. 2014 jyldyń shilde aıyna deıin Lıanıýngan portynda termınal salý jumystary bastalady. 2015 jyly «Batys Eýropa - Batys Qytaı" halyqaralyq avtomobıl jolynyń Almaty-Qorǵas ýchaskesi paıdalanýǵa berilýine baılanysty Qytaımen aradaǵy shekarada qosymsha ótkizý pýnktterin salý máselesi pysyqtalady», - dep atap ótti ol.
