Qytaılyqtarǵa jer satylmaıdy -Úkimet basshysy
A. Jeltoqsannyń 14-i. QazAqparat /Rýslan Ǵabbasov/ - Qytaılyqtarǵa jer satylmaıdy. Bul týraly búgin agroónerkásiptik keshendi damytý máseleleri boıynsha ótip jatqan respýblıkalyq keńeste Úkimet basshysy Kárim Másimov málim etti,
dep habarlaıdy QazAqparat.
«Qazirgi kezde buqaralyq aqparat quraldary betinde, qoǵamda rezonans týyndap otyr. ıAǵnı, biz qytaılyqtarǵa jer bergimiz kelip júr degen qaýesetter aıtylýda. Qytaıǵa eshkim jer satpaıdy. Bizdiń Konstıtýtsııada, barlyq zańdarda bul anyq jazylǵan. Jer kodeksinde de buǵan tyıym salynǵan. Jer tek Qazaqstan azamattaryna tıesili», dedi K. Másimov.
Atalǵan másele turǵysynda ónimdi qalaı paıdalaný men satý sharalary qarastyrylyp otyrǵanyna toqtalǵan Premer-Mınıstr: «Eger bizde ósirilgen rapsty nemese soıany áleýetti satyp alýshy retinde Qytaıdyń ózi satyp alýǵa daıyn bolsa, bunda turǵan qandaı aıyrmashylyq bar? Bizge bul ónimdi óndirý kerek. Eger ónimdi satyp alýshy bolsa bizge nege ony satpasqa?», dedi Premer.
