Qytaılyqtar jańa salyqtyń saldarynan jappaı ajyrasa bastady
ASTANA. 7 naýryz. QazAqparat - Qytaılyqtar jyljymaıtyn múlikke salynatyn jańa salyqtan qutylý úshin jalǵan aıyrylysý sharalaryna kóshti, dep habarlady Shanghai Daily.
Ótken aptada qytaı ókimeti artyq úıin satatyn bolsa, 20 paıyzdyq qosymsha salyq salynatynyn jarııalady.
Mundaı shyǵynǵa ushyramas úshin eki úıi bar kóptegen jup bireýin satý úshin, aıyrylysýǵa uıǵardy. Sóıtip, burynǵy erli-zaıyptylardyń bir ǵana turǵylyqty jerlerinde árqaısysynyń bólek úıi bolmaq. Úı satýdy oıdaǵydaı iske asyrǵannan keıin olar qaıta qosylyp, nekelerin tirketpek.
Shanhaı aýdanynyń Chjabeı ákimshiligi 5 naýryzda rekordtyq aıyrylysý rásimi tirkelgenin málimdedi. Bir kúnniń ishinde ǵana 53 jubaılar juby aıyrylysýǵa ótinish bergen, ádette bir kúnde onshaqty osyndaı ótinish túsetin. Aıyrylysýdyń sebebi retinde «minezimiz jaraspady» degen syltaý kórsetilgen.
