Qytaılyqtar sheteldikter arasynda Manhettennen turǵyn úılerdi basqalardan kóbirek satyp alýda
ASTANA. QazAqparat - QHR azamattary Manhettennen turǵyn úı satyp alýshy sheteldikter arasynda birinshi oryn alady.
ITAR-TASS-tyń habarlaýynsha, qytaılyqtar bul kórsetkish boıynsha reseılikterdi basyp ozdy. Qytaı Halyq Respýblıkasynyń turǵyndary Nıý-Iorkte ǵana emes, tutastaı alǵanda AQSh-ta turǵyn jyljymaıtyn múlikti satyp alyp otyrǵan negizgi sheteldikter bolyp otyr. Brokerlerdiń aqparaty boıynsha, Reseıde satyp alýshylardyń belsendiligi Ýkraınada bastalǵan daǵdarystan keıin tómendep ketti.
Eske sala keteıik, 2007-2010 jyldardaǵy ıpotekalyq daǵdarystan keıin AQSh-tyń iri qalalarynda turǵyn úı baǵasy edáýir tómendedi. Keıinirek olar azdap qalpyna keldi, degenmen Shanhaı, Gonkong nemese Sıngapýrdegige qaraǵanda burynǵysha tartymdyraq.
