Qytaılyqtar Klıntonnyń ǵumyrnamasyn óz tilinde basyp shyǵarýdan bas tartty
ASTANA. QazAqparat - AQSh-tyń burynǵy memlekettik hatshysy Hılları Klıntonnyń ǵumyrnamasy Qytaıda basylyp shyǵarylmaıtyn boldy.
Qytaılyq kitap ımporttaýshysy «konfıdentsıaldy aqparaty» bar Hılları Klıntonnyń «Kúrdeli tańdaý» ǵumyrnamasyn taratpaýdy jón kórdi. Hılları Klıntonnyń jasyryn dertteri týraly kitap AQSh-ta jaryq kórdi.
Shanhaı kitap treıderi keńsesiniń bas qyzmetkeri baspager bul kitapty oqyp shyqqan soń onyń qytaı tilindegi nusqasyn taratý josparynan bas tartty. Kitaptyń qaı tusy bul áreketke sebep bolǵanyn ol ashyp aıtpady.
Klıntonnyń ǵumyrnamasynda qytaı tsenzýrasy men Chen Gýanchen dıssıdenttik pikirleri kórinis tapqan.
Al Simon & Schuster baspasy ótken aptada qytaı baspagerleriniń mundaı áreketterine ókinish bildirip, basylymnyń aǵylshyn tilindegi nusqasy da qytaılyqtardyń qolyna túspeıtin shyǵar dedi.
