Qytaılyqtar iPhone 6-nyń klonyn shyǵardy
ASTANA. QazAqparat - Qytaılyqtar Apple ónimderin dálme-dál kóshirip shyǵarý qabilettiligimen álemdi taǵy bir márte tańǵaldyrdy.
Sheteldik BAQ-tyń jazýynsha, búginde qytaılyq Sophone i6 gadjeti 4,7-dıýımdik iPhone 6 telefonynyń týra kóshirmesi retinde shyǵaryldy. Sonymen qatar onyń baǵasy eki esege arzan kórinedi.
Sheteldik basylymdarynyń aıtýyna qaraǵanda, smartfonnyń tupnusqandan aıyrmashylyǵyn ony qosqannan keıin ǵana baıqaýǵa bolady, al syrtqy qalyby týra kóshirilip jasalǵan. Atap aıtqanda, olardyń salmaǵynda da qatty aıyrmashylyq joq, ıaǵnı qytaılyq nusqa 125 gramm bolsa, túpnusqanyń salmaǵy - 129 gramm. Qytaılyq ónim eki sımkaly qurylǵymen jabdyqtaldy.
Osy ónimniń qorabyna smartfonnyń ózi, qýat berý adapteri, USB-kabel, dybys qurylǵysy salynǵan. Osynyń barlyǵy 139,99 dollarǵa baǵalanyp otyr.
