Qytaılyqtar Dımashtyń sózin túsiný úshin qazaq tili kýrstaryna jazylyp jatyr
ASTANA. QazAqparat - Dımash Qudaıbergenov Qytaıdyń I am a singer (Men ánshimin) telebaıqaýyna qatysyp, saıystyń birinshi kúninde qazylar alqasy tarapynan eń joǵarǵy upaı jınap, jeńimpaz atandy.
Massaget saıtynyń málimeti boıynsha, 2 mıllıard halqy bar Qytaıdyń Hunan TV arnasyna shyǵyp, qytaılyq kásibı ánshilermen saıysqa túsip jatqan Dımash Qudaıbergenov uıymdastyrýshylar tarapy usynǵan «SOS d'un terrien en détresse» frantsýz ánin shyrqady.
Saıys erejesi boıynsha birinshi kúni 8 ánshiniń bireýi ketip, 7-eýi qalady. Bir ánshi jeńis kýbogyn jeńip alady. Jeńis kýbogyna jeti ánshini artta qaldyryp, Dımash Qudaıbergenov laıyq dep tanyldy.
Dımash Qudaıbergenovtyń dosy Alpamys Shárimovtyń málimdeýinshe, búginnen bastap bir top qytaılyq fanat ánshiniń ana tilin túsiný úshin qazaq tili kýrsyna jazylǵan.
