Qytaılyqtar Aspanasty elin álemdik derjava sanaýdan bas tartty
ASTANA. 1 qańtar. QazAqparat - Qytaılyqtardyń 80 paıyzy Qytaıdy álemdik derjava sanaýdan bas tartty. Olardyń aıtýynsha, Aspanasty eli bul ataqty alý úshin áli de bolsa qyrýar sharýalar atqarýy tıis.
The Global Times basylymy jasaǵan saýalnama málimetterin France-Presse agenttigi keltirip otyr.
Suralǵandardyń 82,3 paıyzy osyndaı pikir bildirgen. Respondentterdiń 54 paıyzy Qytaı álemdik derjava ataǵyn alýdyń sál aldynda tur dep esepteıdi. Saýalnamaǵa qatysqandardyń jartysy zertteý barysynda Qytaı men AQSh arasyndaǵy qarym-qatynastardyń qarqyndy damýyna oń baǵa bergen. Taǵy bir jartysy Qytaı men Japonııa arasynda bolýy múmkin baılanystardyń damýyna oń qabaq tanytpaıtyndyqtaryn bildirgen. «Qytaı meniń súıikti elim» dep qytaılyqtardyń 57 paıyzy jaýap beripti. Al súıikti elderdiń ishinde ekinshi orynǵa AQSh memleketi kirip otyr.
Global Poll Center ortalyǵy ınternet jáne telefon arqyly júrgizgen saýalnamaǵa ár qaladan 15 jáne odan joǵary jas aralyǵyndaǵy 1404 adam qatysty.
