Qytaılyqtar Almatyda kólik ınfraqurylymyn damytýǵa, «Smart City» aqyldy qalany salýǵa múddelilik tanytty
ALMATY. QazAqparat - Búgin Almaty ákimi Baýyrjan Baıbek Qazaqstandaǵy Qytaı Halyq Respýblıkasynyń Qazaqstandaǵy Tótenshe jáne Ókiletti Elshisi Chjan Hanhýemen kezdesti.
Júzdesý barysynda Almatynyń ınvestıtsııalyq tartymdylyǵy, týrızm men ekijaqty yntymaqtastyqty damytý máseleleri talqylandy.
Qytaılyq tarap qalanyń kólik ınfraqurylymyn damytýǵa, «Smart City» aqyldy qalany salýǵa jáne Almatynyń 1000 jyldyǵyn merekeleýge qatysýǵa yntaly ekendikterin bildirdi.
Kezdesý barysynda ákim Baýyrjan Baıbek eki jaqqa da paıdaly jobalardy ınvestıtsııalaýǵa barlyq múmkindikterdiń bar ekendigin jetkizdi. Almatynyń 2020 jylǵa deıingi damý baǵdarlamasynda sheteldik kapıtaldy tartý qarastyrylǵan.
Qazirgi tańda Almatyda 69 birikken kásiporyn tirkelgen. 172 kásiporyn qytaılyq kapıtalmen jumys jasap jatyr.
