Qytaılyqtar 360 saǵatta 30 qabattyq úı salyp shyqty - VIDEO
ASTANA. QazAqparat - Qytaılyq Broad Group kompanııasy 360 saǵatta, ıaǵnı 15 kún ishinde 30 qabattyq úıdi salyp shyqty, dep jazady massaget.kz
Úıdiń jalpy aýdany - 17000 sharshy metr. Bundaı jyldamdyqqa olar modýldik qurylys tehnologııasyn paıdalaný arqyly qol jetkizgen.
Aıta ketelik, bul tehnologııa alǵash Eýropa elderinde qoldanyla bastaǵan. Bul ádispen salynǵan úılerdiń ereksheligi - qurylys kezinde tym kóp energııa qajet bolmaıdy, úıler berik bolady - 9 baldyq jer silkinisine tótep bere alady. Al jeldetý júıesi ǵımarat ishindegi aýany syrttaǵydan 20 ese taza qalpynda ustaı alady.
