Qytaılyq jigit unatqan qyzyna 100 myń aşy buryshtyń kómegimen sóz salǵan
ASTANA. QazAqparat - Qytaıdaǵy Sychýan provıntsııasynyń turǵyny ózi unatqan qyzyna júregi men qolyn usynýdyń erekshe ádisin oılap tapty. Er adam muny súıiktisi jaqsy kóretin aşy buryshtyń 99 myń 999 danasy arqyly jasady.
Qytaılyq azamat dámdeýishtiń kómegimen qalyńdyǵynyń kilemine órnek saldy, dep habarlaıdy GB Times.
Er adam buryshtyń bul sanyn kezdeısoq tańdaǵan joq, sebebi «toǵyz» sany qytaı tilinde sondaı-aq «máńgilik» degendi de bildiredi. Jas adamdar birneshe jyl buryn onlaın-oıyn arqyly tanysqan. Áńgimelesý kezinde er adam súıiktisiniń aşy buryshty jaqsy kóretinin bildi.
Boıjetkenge ómirlik jar bolý usynysyn jasamaq bolǵan ol kilemde burshaqpen birneshe órnek saldy. Súıiktisi jigittiń bul qylyǵyn baǵalaı bilip, oǵan turmysqa shyǵýǵa kelisimin berdi.
