Qytaılyq jigit óziniń qalyńdyǵyna 99999 alqyzyl raýshan gúlin syılady
ASTANA. Tamyzdyń 19-y. QazAqparat - Qytaılyq Sıao Van (Xiao Wang) esimdi jigit osyndaı ádispen óziniń bolashaq otbasylyq ómirine baqyt shaqyryp, ekinshi jaǵynan óziniń qalyńdyǵyna ol ómir boıy este saqtap qalatyn kún syılaǵysy kelgen eken.
Orange News habarlaǵandaı, Van gúl satatyn dúkennen 99999 alqyzyl raýshan gúlin satyp alyp, onymen toı sherýiniń 30 avtokóligin bezendirdi. Kólikterdi izdestirý jumystary ınternet arqyly júzege asyryldy.
Gúlderdi Vannyń qalyńdyǵy Sıao Lıý (Xiao Liu) aldy. Toı Ortalyq Qytaıdaǵy Chýntsınde atalyp ótildi, al gúlder el shetinen ushaqpen jetkizildi. Mundaı syılyqty jasaýǵa 999 sanynyń baqytty san bolyp eseptelýi sebepker bolǵan syńaıly. Sonymen qatar, óziniń bolashaq otbasylyq ómiri baqytty bolýy úshin Van raýshan gúlderiniń qunynyń 20 paıyzyn qaıyrymdylyq qorlarynyń birine aýdardy.
Osy romantıkalyq jelpinisi arqyly ol dúken ıesine bir jyldyq túsimdi qamtamasyz etti.
