Qytaılyq jankúıerler Qanat Islamnyń jekpe-jegine 3 myń bılet surap otyr
ASTANA. QazAqparat - Qanat Islam (24-0, 19KO) men kanadalyq Brendon Kýktyń (18-0, 11KO) Astana qalasynyń «Saryarqa» velotreginde 9 qyrkúıekte ótetin kezdesý keshine Qytaıdaǵy jankúıerler 3 myń orynǵa tapsyrys bergen, dep habarlaıdy «QazAqparat» HAA tilshisi.
Bul týraly «Qazaq promotions» kompanııasy habarlady.
«Bıletter qazir óte jaqsy satylyp jatyr. Qytaıdaǵy jankúıerler 3 myń, kanadalyqtar 2 myń bılet suratyp otyr. Qonaqtardy kútý úshin áli de daıyndyq jumystary júrip jatyr. «Saryarqa» velotregine jalpy 11 myń adamǵa arnalǵan. Sheteldik BAQ ókilderi de kezdesý keshine qyzyǵýshylyq tanytyp otyr», - deıdi baspasóz qyzmeti.
Eske salaıyq, 9 qyrkúıek kúni elordalyq «Saryarqa» velotreginde kásipqoı boks keshi ótedi. Basty jekpe-jekte Qanat Islam kanadalyq Brendon Kýkpen jekpe-jekte óz tıtýldaryn qorǵaıtyn bolady.
