Qytaılyq jankúıerler aǵaly-inili qazaq boksshylardy aǵaıyndy Klıchkoǵa teńedi

ASTANA.QazAqparat - Qytaıdaǵy 18 jasar qazaq boksshy Esbolat Násıollauly kásipqoı bokstaǵy birinshi jartylaı jeńil salmaqtaǵy (55.3 kg)  debıýttik jekpe-jegin ótkizdi, dep habarlaıdy QazAqparat.

Qytaıdyń Kýnmın qalasynda ótken reıtıngtik jekpe-jekte, Esbolat qytaılyq ıAń Haıdy 4 raýnd qorytyndysy boıynsha tóreshilerdiń biraýyz  sheshimimen jeńdi.
 

Aıta keteıik, Esbolat Násıollauly WBA jáne WBC tujyrymy boıynsha Azııa chempıony, Qytaıdaǵy eń tanymal kásipqoı boksshylardyń biri Beısenbi Násıollaulynyń (14-2-1,6KO) inisi.

Qytaılyq jankúıerler Beısenbiniń bokstasý mánerin jáne kelbetin qazaqstandyq Gennadıı Golovkınge uqsatyp, «OneG» dep atap ketken. Sondaı-aq, qandasymyz QHR-ǵa ǵana emes, qazaqstandyq boks jankúıerlerine de jaqyn tanys.
  

Esbolattyń alǵashqy jekpe-jegindegi jeńisinen keıin, qytaılyq boks jankúıerleri qandastarymyzdy aǵaıyndy Klıchko syndy álemge tanymal bolatynyna senimdi.