Qytaılyq jalǵan hanshaıym adamdardy $380 myń aldaǵany úshin 13,5 jylǵa bostandyǵynan aıyryldy
BEIJІŃ. QazAqparat - QHR Shensı provıntsııasy Sıan qalasynda ózin Tsın áýletiniń hanshaıymy retinde tanystyryp, adamdardy aldaý arqyly 2,3 mln. ıýandy (380 myń dollar) qaltasyna basqan áıel 13,5 jylǵa sottaldy.
Bul týraly «Sınhýa» habarlady.
Henan provıntsııasynyń 49 jastaǵy fermeri (tegi Van) japa shegýshilerge ózin Tsın (1644-1911) áýletiniń urpaǵy Chanpın hanshaıym retinde tanystyrǵan. 2013 jyldyń aqpanynan 2014 jyldyń shildesine deıin alaıaq oǵan sengen adamdardan qaryzǵa aqsha alǵan. Ol japa shegýshilerge bul qarajatty quny 175 mlrd. ıýandy quraıtyn «januıasyna tıesili» baǵaly zattardy alý úshin sheneýnikterge para berý úshin alǵandyǵyn aıtqan. Sondaı-aq ol qaryzǵa alǵan aqshasyn úsh ese artyq somamen qaıtaratynyna sóz bergen.
Onyń sybaılasy 47 jastaǵy Sıan qalasynyń jumyssyz turǵyny 12 jylǵa bostandyǵynan aıyryldy. Tintý kezinde alaıaqtardyń úıinen jalǵan altyn quımalar, jalǵan dollar men ózderi jasaǵan qazyna kartalaryn tapty. Bul zattardy olar aldanǵan adamdardyń senimine kirý úshin kórsetken.
