Qytaılyq zeınetker 72 jasynda jynysyn aýystyrdy
ASTANA. QazAqparat - Beıjiń qalasynda turatyn 72 jastaǵy zeınetker jynys aýystyratyn ota jasatyp, erden áıelge aınaldy, dep jazdy juma kúni China Daily gazeti.
Basylymnyń jazýynsha, ota sársenbi kúni Qytaıdyń ońtústigindegi Gýandýn provıntsııasy, Hýeıchjoý qalasynda jasaldy. 72 jastaǵy qartqa keýde ımplanttary ornatylǵan. Sondaı-aq, zeınetker qynap ornatý otasyn da bastan ótkerdi.
"Men óz armanymdy iske asyrdym - men áıel boldym", - dep málimdedi otadan keıin naýqas. Ota aldynda Sın ıÝe birqatar testten ótip, jynysyn aýystyrǵysy keletinine dárigerlerdi sendirý úshin 1 myńnan astam suraqtarǵa jaýap bergen.
Sın ıÝeniń aıtýynsha, bala kúninde ol jıi-jıi qyz bolyp kıingen. 1970 jyly úılenip, úsh jyldan keıin qyzdy bolǵan. 2000 jyly erli-zaıyptylar ajyrasyp ketken.
