Qytaılyq zaýyttaǵy jarylys kesirinen jańa iPhone-nyń shyǵý merzimi shegerilýi múmkin
ASTANA. QazAqparat - Qytaı metallýrgııalyq zaýytyndaǵy jarylys saldarynan iPhone 6 zamanaýı smartfonynyń naryqqa shyǵý merzimi keıinge shegerilýi múmkin, dep habarlady qytaılyq TechWeb basylymy.
Kýnshan qalasyndaǵy Kunshan Zhongrong Metal Products Co., Ltd kompanııasynyń óńdeý tsehinde jarylys bolǵan. Aldyn ala boljam boıynsha, jarylysqa otalǵysh zattar sebep bolǵan. Bul oqıǵa 75 adamnyń ómirin qıdy. Jarylysqa baılanysty Qytaı bılik ókilderi alıýmınııdi óńdeıtin zaýyttardyń isin ýaqytsha toqtatyp, ondaǵy qaýipsizdik sharalarynyń saqtalýyn tekserý sheshimin qabyldady. Tekseriletin zaýyttardyń qataryna Apple-diń qytaılyq merdigerleriniń biri - Foxconn kompanııasy ilikti. Bul iPhone 6 shyǵarý merzimin keıinge shegerýi múmkin. Qytaılyq Xiaomi 4 jáne MX4 smartfondarynyń shyǵý merzimi de artqa jyljýy yqtımal, dep habarlady Lenta.rý.
Apple qyrkúıek aıynda iPhone-nyń eki jańa smartfonyn - ekran dıagonali 4,7 jáne 5,5 dıýımdi túrin shyǵarady dep kútilýde. BAQ habarlaǵandaı, Apple 30 jeltoqsanǵa deıin merdigerlerge jańa iPhone-dardy rekordtyq kólemde tapsyrysyn bergen (70-ten 80 mln. dana).
