Qytaılyq velosıpedti urlaý úshin aǵashty qulatty (VIDEO)

ASTANA. QazAqparat - QHR Hýnan provıntsııasynyń Chansha qalasynda polıtsııa aǵashqa baılanǵan qymbat velosıpedti urlaý úshin ony erinbeı kesip qulatqan uryny izdeýde. Qaskúnemniń áreketi beıne baqylaý kamerasyna túsip qalǵan.

Jarııalanǵan vıdeoda er adamnyń jantalasyp aǵashty  kesip jatqany anyq túsip qalǵan, alaıda jolshybaı ótip kele jatqan mototsıklshiden qorqyp qalyp, onyń nazaryn ózine aýdarmas úshin aǵash janynan ketip, óz mototsıkline otyryp ketpekshi bolǵan keıip tanytady. Kútpegen kýáger ótip ketken soń, er adam aǵashty qulatyp, velosıpedti mototsıkline salyp alyp taıyp turǵan, dep jazady rosbalt.ru.