Qytaılyq «Vanda» korporatsııasy gollıvýd kınostýdııasyn satyp alý úshin 3,5 mlrd AQSh dollaryn jumsady
ASTANA. QazAqparat - Qytaılyq «Vanda» (Wanda Group) kásiporny amerıkalyq Legendary Pictures kınostýdııasyn 3,5 mlrd AQSh dollarǵa satyp alǵanyn habarlady.
«Amerıkalyq kınostýdııany satyp alǵannan keıin «Vanda» álemdegi iri kınooperatorlardyń biri atandy»,- deıdi korporatsııanyń basqarma tóraǵasy Van Tszıanlın.
«Vanda» kınofılmderdi túsirýmen jáne shyǵarýmen aınalysady. Sondaı-aq álemniń kóptegen elderinde kınoteatrlary bar.
Van Tszıanlınniń boljamy boıynsha, 2017 jyly qytaılyq kınonaryq soltústikamerıkalyqtan basym túsip, álemdegi eń irileriniń birine aınalady, dep jazdy Sınhýa.
Legendary Pictures - belgili kınostýdııa.Ol shyǵarǵan fılmderdiń kassalyq jıyny 12 mlrd AQSh dollaryna jetti.
