Qytaılyq Tıantszında bolǵan jarylys qurbandarynyń sany 173 adamǵa jetti
ASTANA. QazAqparat - Qutqarýshylar 12 tamyz kúni Soltústik Qytaıdaǵy Tıantsın qalasynda bolǵan jarylystardan keıin iz-tússiz joǵalǵan bolyp eseptelgen segiz adamnyń mert bolǵanyn anyqtady.
Bul týraly TASS jazady.
"Chjýngo tsınnıan bao" gazetiniń habarlaýynsha, qaıǵyly oqıǵa qurbandarynyń jalpy sany 173 adamǵa jetken.
Oqıǵa saldarynan taǵy 800-ge jýyq adam jaraqattandy.
Zardap shekken 224 adam áli de aýrýhanalarda jatyr, olardyń beseýi óte aýyr nemese aýyr jaǵdaıda. Jaralanǵan 574 adam emdeý alyp úılerine jiberildi.
Jarylystar «Jýıhaı» logıstıkalyq kompanııasynyń qoımasynda oryn alǵan. Soqqy tolqyny 2 shaqyrym radıýsyndaǵy turǵyn úılerdiń shynylaryn syndyryp, 1 myńnan astam kólikti búldirdi. Qýattylyǵy trotıl ekvıvalentinde 3 tonnaǵa baǵalanatyn jarylystan keıin oqıǵa aýdanynda kúshti órt bastaldy. Odan keıin qoımada taǵy birneshe jarylys oryn aldy, olardyń ishinde eń kúshtisiniń qýattylyǵy 21 tonna trotılge balanady.
