Qytaılyq Tıantszın áýejaıynda qoıý tútinniń kesirinen 216 reıs keıinge shegerildi
ASTANA. QazAqparat - Tıantszın áýejaıynda qalany basqan qoıý tútinge baılanysty kem degende 216 reıs keıinge shegerildi, dep habarlaıdy RIA Novostı.
Jergilikti ýaqytpen 13.00-de 83 reıs keıinge qaldyrylǵan bolatyn. Bılik jolaýshylardan reıster jóninde aqparattardy aldyn ala tekserýdi suraıdy.
30 jeltoqsannan 1 qańtarǵa Beıjińde jáne qala mańynda, sondaı-aq Tıantszınde tútinge baılanysty qaýiptiń sary deńgeıi jarııalandy, dep habarlady jeksenbide Sohu portaly jergilikti bılikke silteme jasap.
Aýanyń bylǵanýy monıtorıngin júrgizetin saıttyń aqparatyna qaraǵanda, jergilikti ýaqytpen 16.00-de Beıjińdegi zııandy zattardyń jıyntyǵy tekshe metrine 484 mıkrogramm, al Tıantszınde - sharshy metrinde 240 mıkrogramm bolǵan. Bul qalypty deńgeıden birneshe ese joǵary kórsetkish bolyp tabylady.
