Qytaılyq tennısshi otandasymyzdy jarys jolynan shyǵardy
ASTANA. QazAqparat - Qazaqstandyq Kırıll Gerasımenko ústel tennısinen Vengrııa ashyq chempıonatynyń shırek fınalyna shyǵa almady, dep habarlaıdy QazAqparat.
Jarystyń 1/8 fınalynda otandasymyz úsh dúrkin álem chempıony, Álemdik týr aıasynda Astanada ótken Grand-fınaldyń jeńimpazy - qytaılyq Fan Jendongadan jeńilip qaldy. Birinshi set qytaılyqtyń paıdasyna aıaqtalsa (12:10), ekinshisinde Kırıll jeńiske jetti (11:9). Alaıda sheshýshi - úshinshi sette Fan Jendong óz myqtylyǵyn dáleldedi, esep: - 4:1.
Osylaısha, Gerasımenko Býdapesht qalasyndaǵy týrnırdiń jarys jolynan shyǵyp qaldy.
Esterińizge sala keteıik, Gerasımenko irikteý raýndynda eki ret jeńiske jetken bolatyn. Onda qazaqstandyq sportshy aldymen 4:3 esebimen qytaılyq ıÝ Tszyıandy jeńse, artynan 4:2 esebimen ıspanııalyq Karlos Machadodan basym túsken edi. Ókinishke qaraı úshinshi oıynda taǵy bir qytaılyq tennısshiden utylyp qaldy.
